المساعد الشخصي الرقمي

مشاهدة النسخة كاملة : قصيدة شامية لعيون مشرفنا برهان


حمزه
15-07-2006, 11:58 PM
قصيدة غزل من واحد عشقان بشكل مش طبيعي على الاطلاق لدرجة كثرة التشبيهات المعبرة

حبيبتي
بحبك حب الشباك للبرداية ، بحبك حب الأرنبيط للكوساية ...!



بحبك حب الشلمونة للكولاية .. بحبك حب الطشت للكبجاية..!



بحبك حب الزيت النباتي للمئلاية .. بحبك حب الجرابات للصرماية ..!



لك بحبك حب سلاحف النينجا للبيتزاية ...!!!



يا ريت تكوني شخبرة .. وكون أنا المحاية...



يا ريت تكوني بريات .. وكون أنا البراية...



يا ريت ما تحطيلي زء .. لما كون أنا جاية...!



بحب ضحكتك يللي متل صوت المعزاية ....بحبك حب الدؤونية لللهاية...



بحبك حب المألمة للشنتاية ....



يا ريت تكوني عوجا وكون أنا العرباية..



يا ريت تكوني طربيزة… وكون أنا كنباية ....



يا مدلوئة حياتي وشعيبيات عمري ووربات بئشطة روحي ...



يا أحلى زبدية محلاية...



بحبك حب الريموت للتلفزيون... بحبك حب درفة الباب للمندلون..



بحبك حب بنت اختي الفصعونة لسبيس تون...



بحبك حب أبو السوم للطابة.. بحبك اذا كنتي متنحة أو حبابة..



بحبك حتى لو كان صوتك متل موتور الدبابة..




سمعيني شوي لحتى احكيلك الأصة...




يا ريت تكوني حنفية مي عم تشرشر ... وأنا بعصّا..



نشالله ما يبلا هلطول ... متل عرئ الفصة...



لك يا ريت تكون معي هيكة كمشة بزر وأعطيكي نصا



بحبك حب منير الجبان لكلمة صباح الخير...




بحبك حب جهاد سعد لبرنامج خبرني يا طير...




لك بتسدئي ؟؟



بحبك حب جورج بوش لتوني بلير...شه....




بحبك حب الزلائط للمعؤوود....بحبك حب بيشو لأبو الفوود...



بحبك حب السعادين للقرود...



بحبك اذا كنتي ساكتة أو عم تحاكينا...



بحبك حب ابن اختي الفصعون لبوظة كارينا...بحبك حب البردآن .. للكرمنتينا ...!



حاجة بأه جننتينا!!!!!!!!!



اتمنى ان تكون نالت اعجابكم
بإنتظار التعليقات ;)
الفهد البرونزى
16-07-2006, 03:48 AM
شو بتريد نقول يازلمة

زين والله زين


شكرا حمزة


وبالمناسبة

اخى برهان

سوريا الحبيبة زاخرة بالشعراء عظماء ولهم قصائد تعتبر من اقضل عشر قصائد فى الشعر العربى

ولا نريد ان نفتى ومالك فى المنتدى الا اذا سمحت لى
حمزه
16-07-2006, 10:47 AM
شو بتريد نقول يازلمة

زين والله زين


شكرا حمزة


وبالمناسبة

اخى برهان

سوريا الحبيبة زاخرة بالشعراء عظماء ولهم قصائد تعتبر من اقضل عشر قصائد فى الشعر العربى

ولا نريد ان نفتى ومالك فى المنتدى الا اذا سمحت لى



طبعا سوريا ليست بحاجة الى مثل هذا التعريف بالشعراء العظام
مشكور على مرورك فهد لكني بانتظار تعليق برهان
burhan
16-07-2006, 04:18 PM
شو بدي علق يعني :)


لك بحبك حب سلاحف النينجا للبيتزاية ...!!!

تحياتي للحبايب

ترقبوا مني مشاركات شعرية

ولي فضحت حالي :)
DR/3LOOL
16-07-2006, 11:51 PM
ههههههههههههههههههههههههههه

بحبك حب الأرنبيط للكوساية ...!ههههههههههههههه

لذيذه كتير ياحمزه يسلموا الايادي

تحياتي لك
حمزه
17-07-2006, 01:13 PM
شو بدي علق يعني :)


لك بحبك حب سلاحف النينجا للبيتزاية ...!!!

تحياتي للحبايب

ترقبوا مني مشاركات شعرية

ولي فضحت حالي :)


بس كيف القصيدة معبرة ولا انا غلطان
وبعدين ليش الفضيحة
بانتظار المشاركات الشعرية
حمزه
17-07-2006, 01:13 PM
ههههههههههههههههههههههههههه

بحبك حب الأرنبيط للكوساية ...!ههههههههههههههه

لذيذه كتير ياحمزه يسلموا الايادي

تحياتي لك

لك بحبك حب الشلمونة للكولاية



مشكور على المرور
بارك الله فيك